منتدى شباب الحجايزه
السلام عليكم ورحمه الله وبركاته

اداره منتدي شباب الحجايزه ترحب بك تشرفنا بك كزائر فتفضل بالتسجيل

قالولي بتحب مصر فقلت مش عارف Sigpic18335411

Uploaded with ImageShack.us]
منتدى شباب الحجايزه
السلام عليكم ورحمه الله وبركاته

اداره منتدي شباب الحجايزه ترحب بك تشرفنا بك كزائر فتفضل بالتسجيل

قالولي بتحب مصر فقلت مش عارف Sigpic18335411

Uploaded with ImageShack.us]
منتدى شباب الحجايزه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى شباب الحجايزه


 
الرئيسيةبوابة المنتدىأحدث الصوردخولالتسجيل

 

 قالولي بتحب مصر فقلت مش عارف

اذهب الى الأسفل 
3 مشترك
كاتب الموضوعرسالة
نابلسية

نابلسية


العمر : 31
عدد المساهمات : 69
السٌّمعَة : 2
تاريخ التسجيل : 19/02/2011
الموقع : http://www.panet.co.il/

قالولي بتحب مصر فقلت مش عارف Empty
مُساهمةموضوع: قالولي بتحب مصر فقلت مش عارف   قالولي بتحب مصر فقلت مش عارف Icon_minitimeالخميس 31 مارس 2011, 5:00 pm

تميم البرغوثي


قالولي بتحب مصر فقلت
مش عارف


قالولي بتحب مصر فقلت مش عارف


المعنى كعبة وانا بوفد
الحروف طايف


وألف مغزل قصايد في الإدين لافف


قالولي بتحب مصر فقلت مش عارف


أنا لما اشوف مصر ع الصفحة بكون
خايف


ما يجيش في بالي هرم ما يجيش في
بالي نيل


ما يجيش في بالي غيطان خضرا وشمس
أصيل


ولا جزوع فلاحين لو يعدلوها تميل


حكم الليالي ياخدهم في الحصاد
محاصيل


بيلبسوهم فراعنة ساعة التمثيل


وساعة الجد فيه سخرة وإسماعيل


ما يجيش في بالي عرابي ونظرته في
الخيل


وسعد باشا وفريد وبقية التماثيل


ولا ام كلثوم في خمسانها ولا
المنديل


الصبح في التاكسي صوتها مبوظه
التسجيل




ما يجيش في بالي العبور وسفارة
اسرائيل


ولا الحضارة اللي واجعة دماغنا جيل
ورا جيل


قالولي بتحب مصر أخدني صمت طويل


وجت في بالي ابتسامة وانتهت بعويل


قالولي بتحب مصر فقلت مش عارف


لكني عارف بإني إبن رضوى عاشور


أمي اللتي حملها ما ينحسب بشهور


الحب في قلبها والحرب خيط مضفور


تصبر على الشمس تبرد والنجوم تدفى


ولو تسابق زمنها تسبقه ويحفى


تكتب في كار الأمومة م الكتب ألفين


طفلة تحمي الغزالة وتطعم العصفور


وتزنب الدهر لو يغلط بنظرة عين


وبنظرة أو طبطبة ترضى عليه فيدور


وأمي حافظة شوارع مصر بالسنتي


تقول لمصر يا حاجة ترد يابنتي


تقولها احكي لي فتقول ابدأي إنتي




وأمي حافظة السِيَر أصل السِيَر
كارها


تكتب بحبر الليالي تقوم تنوَّرها


وتقول يا حاجة إذا ما فْرِحتي
وحزِنتي


وفين ما كنتي أسجل ما أرى للناس


تفضل رسايل غرام للي يقدَّره


أمي وأبويا التقوا والحرّ للحُرَّة


شاعر من الضفة برغوثي وإسمه مريد


قالولها ده أجنبي، ما يجوزش
بالمرَّة


قالت لهم ياالعبيد اللي ملوكها
عبيد


من إمتى كانت رام الله من بلاد
برَّة


يا ناس يا أهل البلد شارياه
وشاريني


من يعترض ع المحبة لما ربي يريد


كان الجواب إن واحد سافر اسرائيل


وانا أبويا قالوله يللا ع الترحيل


دلوقت جه دوري لاجل بلادي تنفيني


وتشيب أمي في عشرينها وعشريني


يا أهل مصر قولولي بس كام مرة




ها تعاقِبوها على حُبَّ الفلسطين


قالولي بتحب مصر فقلت مش عارف


بحب أقعد علىالقهوة بدون أشغال


شيشة وزبادي ومناقشة في مآل الحال


وبصبصة ع البنات اللي قوامهم عال


لكن وشوشهم عماير هدها زلزال


بحب لمعي وعب هادي ومحب جمال


أروح لهم عربية خابطة في تروللي


كإنها ورقِة مِسوِدَّة مرميَّة


جُوَّاها متشخبطة ومتكرمشة هِيَّة


أو شلِّةِ الصوف، أو عقدة
حِسابِيَّة


سبعين مهندس ولا يقدر على حَلِّي


فيجيبوا كل مَفَكَّاتهم وصواميلهم


ويجربو كل ألاعيبهم وتحاييلهم


حتى ساعات يغلطوا ويجربوا فِيَّا


بس الأكيد أنهم بيحاولوا في مشاكلي


وإنها دايماً اهون من مشاكلهم





أحب اقعد على القهوة مع القاعدين


وابص في وشوش بشر مش مخلوقين من
طين


واحد كإنه تحتمس، يشرب القرفة


والتاني غلبان يلف اللقمة في
الجرانين


والتالتة من بَلَكُونِتها تنادي
الواد


والواد بيلعب وغالبهم ثلاثة اتنين


أتوبيس كإنه كوساية محشي بني آدمين


أقول بحكم القاموس، إن الهواء جماد


واشم ريحة شياط، بس اللي شايفه
رماد


عكازة الشيخ منين نابت عليها زناد


يسند على الناس ويعرج من شمال
ليمين


والراديو جايب خبر م القدس أو
بغداد


قالولي بتحب مصر فقلت مش عارف


لا جيتها سايح ولا ني أعمى مش شايف


ريحة البخور في الغورية وألف حبل
غسيل


وأيقونات تبكي لما تسمع التراتيل


كإن فيه حد يسقي كل لون فيها


تطرح سماحة على مر السنين وجمال


بيت السحيمي صدى للشاعر للقوال


خناقة فيها الزناتي يواجه
ابن هلال


وان حلوة مرت وبانو شعرتين م الشال


الجوز يكونوا حجج للوصف في عنيها

تحياتي
نابلسية
الرجوع الى أعلى الصفحة اذهب الى الأسفل
sayed
Admin
Admin
sayed


الجنس : ذكر
العمر : 36
عدد المساهمات : 251
السٌّمعَة : 2
تاريخ التسجيل : 31/12/2009
الموقع : sayeder1@yahoo.com

قالولي بتحب مصر فقلت مش عارف Empty
مُساهمةموضوع: رد: قالولي بتحب مصر فقلت مش عارف   قالولي بتحب مصر فقلت مش عارف Icon_minitimeالخميس 31 مارس 2011, 11:26 pm

تحياتي للشاعر وكلماته المعبره ولحبه الواضح لمصر ولفيض شعره المتدفق
وتحيه خاصه لكاتبه الموضوع
الرجوع الى أعلى الصفحة اذهب الى الأسفل
نابلسية

نابلسية


العمر : 31
عدد المساهمات : 69
السٌّمعَة : 2
تاريخ التسجيل : 19/02/2011
الموقع : http://www.panet.co.il/

قالولي بتحب مصر فقلت مش عارف Empty
مُساهمةموضوع: رد: قالولي بتحب مصر فقلت مش عارف   قالولي بتحب مصر فقلت مش عارف Icon_minitimeالجمعة 01 أبريل 2011, 9:35 pm

مرسي حياتي على الرد الحلووو
الرجوع الى أعلى الصفحة اذهب الى الأسفل
سلمى

سلمى


الجنس : انثى
العمر : 27
عدد المساهمات : 1173
السٌّمعَة : 6
تاريخ التسجيل : 09/09/2011
الموقع : فلسطين

قالولي بتحب مصر فقلت مش عارف Empty
مُساهمةموضوع: رد: قالولي بتحب مصر فقلت مش عارف   قالولي بتحب مصر فقلت مش عارف Icon_minitimeالثلاثاء 04 أكتوبر 2011, 5:56 pm

موضووووووووووووووووووووووووووووووووووع اكتيييييييييييييييييييييييييييييييييير
روعةةةةةةةةةةةةةةةةةةةةةة من احلى اختتتتتتتتتتت اكيد
الرجوع الى أعلى الصفحة اذهب الى الأسفل
 
قالولي بتحب مصر فقلت مش عارف
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى شباب الحجايزه  :: قسم المنتديات العامه :: ابداعات-خواطر-شعر-
انتقل الى: