الموضوع ده منقول من منتدي تاني لكن انا قلت اكيد هيفيد اعضاء المنتدي الكرام خصوصا دكتورنا الغالي د احمد محفوظ
غش الدواء دلوقتي بقا مشكلة عااااااالمية
حجم سوق الدوا المغشوش ..نسبته تعدت الــ50 % من سوق الأدوية العالمي
المشكلة دي موجودة في مصر
لكن مش بالحجم العالمي...وأظنكم سمعتم من فترة عن مصنع الأدوية المغشوشة في إمبابة ..والوراق
أكتر أدوية معرضة للغش ..هيا الأدوية المرتفعة التمن(ده بالنسبة للغشاش المحترف)
لكن الغشاش المبتدأ بقا ...بيغش حاجات بسيطة
يعني مثلا
أمبيسيللين حقن ..سعره رخيص جدا بالنسبة للسيفوتاكس أو السيفترياكسون
بيشيلوا الورقة من على الامبيسيللين ..ويلزقوا عليه الورقة بتاعت السيفوتاكس أوالسيفترياكسون..مستغلين الشبه بين العبوتين في الحجم والشكل
مندوبين كتير(زي مابيسموا نفسهم)بيلفوا بيها على الصيدليات بيبيعوها بخصم مغري جدا
لكن طبعا
الصيدلي القديم في الشغلانة المقرفة دي ..مش بيعدي عليه الكلام ده
دي طريقة للغش
طريقة تانية..ودي مش غش بالمعنى الصريح..لكنها سرقة صريحة
أدوية التأمين الصحي
بتتسرق من المستشفيات الحكومية(أو أي كانت طريقة خروجها)..بتتشال من العلبة بتاعتها
وتتباع بدون علبة لضعفاء النفوس من الصيادلة بخصم خرافي
وكذلك العينات المجاينة الغير مخصصة للبيع
المفروض ان المندوب بتاع الشركة بيوزعها على الاطباء كنوع من الدعاية..لكن المندوب بيبيعها لضعفاء النفوس من الصيادلة (أو المستجدين على المهنة ..من خارجها)..بخصم خرافي
نقابة الصيادلة بتوزع منشوارت كل فترة على الصيدليات..بتعرفهم فيها بأي دوا مغشوش قد يكون تسرب إلي السوق المحلي..والتفرقة بينه وبين الدوا السليم
لكن للأسف مش كفايا
أنا مش بقول الكلام ده علشان تقلقوا..الغش في مصر مش مستفحل في سوق الدوا المصري بالشكل ده إلا في بعض المنتجات المعروف مستخدميها
يعني مثلا..أي توع فياجرا يحمل إسم(الصاروخ ..النمر ..التعبان..الكوبرا.........)وماشابه
دي بتكون غير حاصلة على ترخيص...يعني معمولة تحت بير السلم..وبالتالي
بتكون 100% مغشوشة
وزي أنواع عقاقير الجدول(عائلة الترامادول)..إلي فعلا بقت واحدة من مآسي الشعب المصري
موجود منها كميات ضخمة في مصر
والمندوبين بيلفوا بيها على القهاوي ..وعلى السواقين في المواقف ..وعلى الصيدليات كمان
وللأسف
كلها مجهولة المصدر....وكلها نشا وجبس متعبي في شرايط
..أسف للإطالة
بس وجب عليا التنبيه و ياريت د احمد محفوظ يقول را يه في هذ ا االموضوع
موضوع: أدوية قذرة.. 
الخميس 17 يونيو 2010, 8:53 pm
