" ليلة امبارح ماجاليش نوم "
** عارفين ليه علشان دي كانت الليلة الكبيرة في مولد السيدة زينب....................
** يا نهار اقعد ساكت ما تتكلمش خالص.:.:... بص بقه لا تقولى مولد ابو مسلم ولا أي مولد تاني
زحمة إيه ...ودوشة إيه ....وحريم على رجالة على شرطة على صعايدة إيه....
المرور كان مشلول في المنطقة .... وبسبب الدوشة والله الواحد ما نامش خالص ...
يعني انا بقالي يومين ما نمتش .........
وانا نازل الشغل الساعة 2 صباحا ...طبعا المولد كان لسة شغااااااااال , ده كان على ودنه ....
شفت المنظر بقه ... حلقات , وقعدات , كل مجموعة عاملين فرح ودوشة وبيشوشوا على بعض ..زيطة
ناس بتغني ..أنا مش أنا ...أنا مش عارفني....وناس بتمدح ... وناس بتطوح يمين في شمال وبتقول مدد..
وناس بترقص ....وناس بتبيع حلاوة ....وناس بتبيع طرابيش ......بس مفيش لعب أطفال زي عندنا...
وبعد النهار ما طلع الصعايدة اللى جايين من آخر الدنيا كل واحد شال خلاقاته وقعد في الشارع الكبير والميدان
اللي قدام الصيدلية وأنا طلعت بره الصيدلية وصورتهم ...هرفع انا الصور دي عالجروب بتاع المنتدي
عالفاسبوك .........
** عالعموم يا رجالة هانت فاضل أيام ونرجع الحجايزة والواحد بقة يرتاحله شوية.....
*********** شنيدر ******************