منتدى شباب الحجايزه
السلام عليكم ورحمه الله وبركاته

اداره منتدي شباب الحجايزه ترحب بك تشرفنا بك كزائر فتفضل بالتسجيل



Uploaded with ImageShack.us]

منتدى شباب الحجايزه


 
الرئيسيةبوابة المنتدىدخولالتسجيل

شاطر | 
 

 عن قطع الكهرباء اتحدث

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
hamadaghfar

avatar

الجنس : ذكر
العمر : 37
عدد المساهمات : 353
السٌّمعَة : 4
تاريخ التسجيل : 31/12/2009

مُساهمةموضوع: عن قطع الكهرباء اتحدث   الإثنين 02 أغسطس 2010, 9:51 pm

نبداء كلامنا بالصلاة على سيدنا محمد

الموضوع منقــــــــــــــــــــــــــــــول للافاده


دلوقتى كلنا بنعانى من قطع الكهرباء بصفة مستمرة تصل الى يوميا او مرتين فى اليوم انت و نصيبك

و طبعا الكل بيتضيق و فيه ناس مصالحها بتتعطل و ممكن تقف بسبب القطع

والكل عارف ان القطع نتيجة ان الاحمال المستهلكة اكبر من الانتاج - و متخليش حد من بتوع 121 يضحك عليك و يقولك اصل الشبكة ضعيفة و الكابل سخن و المحول هيتحرق و الهجس ده كله -

وشوية معلومات كده على الماشى :

1- 60% من احمال مصر احمال سكنية - يعنى الحكومة عارفة كده من زمان -

2- وقت الذروة فى مصر بيبدا تقريبا من 6 انتهاء ب 11 تقريبا - و اكيد الوزير عارف الكلام ده من زمان مش الشعب فجاءه و قرر يغير وقت الذروة -

يعنى الحكومة عارفة الوضع بالكامل مصحيتش من النوم لقيت الوضع كده

نيجى بقى للى بيقولك اصل احمال مصر بتزيد زيادة مستمرة و متزايدة هقوله امين بس هقوله فيه مادة بتتدرس لطلبة الهندسة اسمها التنبؤ بالاحمال المستقبلية - وده علم مش دجل - و هى عبارة عن تسجيل لاحمال السنوات السابقة و عن طريق شوية معادلات تقدر تحدد الاحمال فى السنين القادمة , يعنى وزارة الكهرباء مصحيتش على مصيبة لا كانت عارفة و متوقعة و كان فيه دكتور ايام الكلية توقع اللى هيحصل لو فضل الانتاج ثابت

نيجى لحوار ساعتيين و 16 مليار جنية , اولا فيه طرق ارخص من بناء المحطات الا و هى الربط الكهربى مع دول الجاور لاختلاف وقت الذروة زى الربط ما بين مصر و السعودية اللى متوقف لاسباب سياسية لا يعلمها الا الله

و فيه نظام اسمه b.o.t ) build operate transfer) و متبع علا فى بعض المحطات و هو ان مستثمر - قطاع خاص - هيبنى محطة توليد و الربح هيكون ليه و يسلمها للحكومة بعد عدد من السنيين حسب الاتفاق

و اخيرا نفرض ان كل ده مش متاح و الحل هو البناء الحكومى اقولك ما فيها ايه ما الوزارة هتاخد ال 16 مليار ترميهم فى البنك و تسند البناء لمقاول و كل ما يخلص جزء تسلمه شوية فلوس و بناء المحطة اقل وقت ممكن تاخده سنتين و نص حسب ما اتذكر

و طبعا فيه وسائل اخرى الدول بتتبعها لتقليل الاستهلاك فى ساعات الذروة - علشان العملية متخرجش من تحت ايديهم زينا كده - :

1- فصل الصناعات الشرهة لاستهلاك الكهرباء فى ساعات الذروة- مش بتطبق فى مصر تماما -

2- يغلى قيمة الكيلو وات فى ساعات الذروة و ده بيجبر الناس على تخفيض الاحمال

3-وضع قانون يجرم استخدام السخانات و التكيفات مثلا فى ساعات الذروة و فيه دول بتجبرك على توصيل اجهزة معينة بوصلة خاصة بعيدة عن وصلة المنزل نفسه علشان فى وقت معين يقدر يفصل عندك احمال معينة مش البيت كله

4 - وضع عدد معين من الكيلو وات للمحلات شهريا عن طريق العداد ابو كارت - و لو خالصهم ذنبه على جانبه - و طبعا الوضع ده بيجبر اصحاب المحلات على تخفيض الاضاءة و احمال التكييف

5- الكل عارفها و هى تخفيض اضاءة الشوارع , حتى دى بتم فى مصر غلط يعنى النور ميبقاش منور زى الظهر فى شوارع المنطقة الصناعية باكتوبر ليلا و طافى فى شارع الهرم ولا البحر الاعظم

6- فيه طرق كتيير بس الواحد مش فاكر

7- فصل الاحمال عن بعض الاحياء نتيجة عدم القدرة على مواجهة الاستهلاك - و بالمناسبة بيعتبروها طريقة غير ادمية -

و طبعا الفصل فى مصر مش عادل يعنى يتكاء قوى على المناطق الشعبية و المتوسطة مقابل انه يدلع المناطق الراقية - فى يوم من الايام النور قطع فى ساقية مكى 4 ساعات و فى نفس الوقت قطع فى البحر الاعظم و رجع بعد تلت ساعة مش 4 !!!!!! -

طاب احنا هنقف مكتوفى الايدى ولا ايه يا جدعان , طبعا لا فى حلول و هى

1- حل غالى جدا : و هو انك تروح تسكن فى شارع فيه وزير او راقصة مشهورة او لاعيب كورة مشهور

2- حل غالى بس : هات لك مولد و شغله لما النور يقطع

3- حل رخيص : هات لك سكينة قلابة بس ينفع لو الكهرباء بتقطع عندك فازة و فازة و يعنى قاطع عندك و الشقة اللى جانبك منورة و لازم يكون عددك سينجل فيز , و السكينة ال 60 امبير ب 30 جنية

4- حل سهل : كتر من الدعاء على الحكومة و اللى جاب ابوها و اوعى تزعل الحاجة لتطسك الدعوة النور يقطع يوم بحاله

و اخيرا ياريت اصحاب مقولة ابداء بنفسك و اطفى التكييف و نور لمبة سهراية و شغل التليفزيون بالمنافلة يمتنعون لاننا عاملينا زى ما يكون واحد مديون بمليار دولار و بنلم من بعض بالشلن و التعريفة و اللى هيعمل كده هيعذب نفسه طول اليوم و فى الاخر النور هيقطع برده لان المنظومة بتدار بطريقة غلط من الاول

و متحاولش تكلم 121 لانك هتضيع وقتك و فلوسك ما بين انتظار طويل جدا او السكة تتقفل فى وشك او تقل ادبك على موظف بارد ملوش ذنب الا ان دى شغلته اللى بياكل منها عايش



و اسف على الاطالة





محمــــــــد رشـــــــــــدي (ابو بســــــــــــمله)
الرجوع الى أعلى الصفحة اذهب الى الأسفل
م_ايهاب محمد

avatar

الجنس : ذكر
العمر : 31
عدد المساهمات : 125
السٌّمعَة : 0
تاريخ التسجيل : 31/12/2009

مُساهمةموضوع: رد: عن قطع الكهرباء اتحدث   الثلاثاء 03 أغسطس 2010, 1:46 am

الموضوع ذاد عن حده قوي

وبعدين نظام الكارت بدا يطبق بجد صاحبي في المنصوره بيقولي منطقه جنبهم بيطبق فيها نظام الكارت وهما شغالين في الموضوع ده وهيطبق علي الكل وهيوصلنا هنا علي سنه 3013 وبعدين لمه الكارت يخلص نقف في طابور طويل علشان الشحن (ههههههههه)











الرجوع الى أعلى الصفحة اذهب الى الأسفل
العالمي

avatar

الجنس : ذكر
العمر : 29
عدد المساهمات : 151
السٌّمعَة : 0
تاريخ التسجيل : 28/12/2009
الموقع : مشرف عام المنتديات الرياضية

مُساهمةموضوع: رد: عن قطع الكهرباء اتحدث   الثلاثاء 03 أغسطس 2010, 4:06 am

تخفيض اضاءة الشوارع هههههههههههههه
بتفضل لتاني يوم بالنهار مولعه يا عم
الرجوع الى أعلى الصفحة اذهب الى الأسفل
hamadaghfar

avatar

الجنس : ذكر
العمر : 37
عدد المساهمات : 353
السٌّمعَة : 4
تاريخ التسجيل : 31/12/2009

مُساهمةموضوع: رد: عن قطع الكهرباء اتحدث   الثلاثاء 03 أغسطس 2010, 9:04 am

في راس البر المياه ايضا بالكارت بس عندك حق هيبقي موضوع يقرف بس لوفي منافسه من كذا شركه زي

شركات المحمول هتبقي فله والعروض والواحد يبدا يشحن علي الهوا من غير طوابير هههههه
[/b]
الرجوع الى أعلى الصفحة اذهب الى الأسفل
engehab

avatar

الجنس : ذكر
العمر : 31
عدد المساهمات : 927
السٌّمعَة : 8
تاريخ التسجيل : 28/12/2009
الموقع : مدير عام المنتدي

مُساهمةموضوع: رد: عن قطع الكهرباء اتحدث   السبت 18 أغسطس 2012, 6:21 am



ويبقي الحال كما هو عليه وربنا يتولانا برحمته



-----------------------------------------------------------------------------------
منتدى شباب الحجايزه (الامتع - الامثل -الاحسن -الاسبق)






دعاء يخيف الشيطان

﴿ اللهم إنك سلطت علينا عدواً عليماً بعيوبنا ، يرانا هو وقبيله من حيث لا نراهم ، اللهم أيسه منا كما أيسته من رحمتك وقنته منا كما قنته من عفوك ، وباعد بيننا وبينه كما باعدت بينه وبين رحمتك وجنتك)
الرجوع الى أعلى الصفحة اذهب الى الأسفل
http://elhagayza.yoo7.com
سلمى

avatar

الجنس : انثى
العمر : 21
عدد المساهمات : 1173
السٌّمعَة : 6
تاريخ التسجيل : 09/09/2011
الموقع : فلسطين

مُساهمةموضوع: رد: عن قطع الكهرباء اتحدث   الأحد 28 أكتوبر 2012, 5:47 pm

نحنا بفلسطين بلشو يحطو نظام كرت
بس كانهم بيحكولك على قد فلوسك اشحن كهربا
طبعا نحنا ما عنا مانع على الكرت
بس يمكن في ناس بتعاني من هاي المشكلة
المشكلة مو بالكهربا المشكلة بيلي بيجو بيحكو وبيعملو مشاكل
ولازم يكون غصب عن الواحد انو يحط كرت
طبعا الحمد الله انو نحنا لما اجو يجبرونا نحنا اجبرناهم انو ما بدنا كرت
منحنا دافيعين دافيعن بلا هالكرت

انا بشكرك اخي اكتير على الاقتراحات يلي عم بتحكيها


لا تحزن إذا جاءك سهم قاتل من أقرب الناس إلى قلبك
فسوف تجد من ينزع السهم ويعيد لك الحياة و الابتسامه
الرجوع الى أعلى الصفحة اذهب الى الأسفل
 
عن قطع الكهرباء اتحدث
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى شباب الحجايزه  :: قسم الحجايزه اليوم :: الحجايزه في سطور-
انتقل الى: