امبارح يا جماعه انا راجع من المنصوره الساعه 7 المهم وانا داخل لاحظت حاجه غريبه وهيه ان مدخل البلد منور وفيه كشافات جديده اتركبت على كدخل البلد وانت جاى من المحطه كدا والطريق منور من اول الفاخوره لحد اول البلد
بصراحه انا كنت مستغرب اوى وقولت ايه الخطوه الجريئه دى دنا حسيت انى داخل بلد غلط لولا انى شفت اليافطه بتاعت عمى الحج مصطفى اللى على الكوبرى قولت ايوا هيه دى بلدنا انا عارفها كويس
والغريب باه لما دخلت لاقيت كل العمدان اللى على شمالك كدا وانت داخل راكب عليها كشافات قولت ايه الحلاوه دى بصراحه البلد كان شكلها حلو اوى اللى عايز حضرتكو تعرفوه ان الحكومه كانت قبل كدا مركبه لنض ستين على العمدان عشان تنور الشوراع وطبعا لنض ستين لهدف استراتيجي وهو انها مش هتنسرق لكن الكشافات الكبيره الله اعلم ايه هيكون مصيرها على العموم احنا مع بعض وهنتابع يوميا حالة الكشافات وايه اللى هينسرق وايه اللى هتحرق وديما منوره يا حجايزه