بالصور: التمثيل بجثة مصري في ميدان عام بلبنان

بالصور: التمثيل بجثة مصري في ميدان عام بلبنان H11xco9fjgsxrjafi1h4

طعن عدد من القرويين اللبنانيين الغاضبين مواطناً مصرياً حتى الموت، بعد اتهامه بقتل ٤ أفراد من أسرة واحدة. وقالت مصادر أمنية لبنانية إن المئات من سكان قرية «كترمايا» جنوب شرق العاصمة بيروت اعتقلوا المصرى «محمد مسالم»، قبل أن يقتلوه، ثم علقوه فى إحدى ضواحى القرية أمام المارة.

ويتهم أهل القرية «مسالم» بإطلاق النار على طفلتين إحداهما فى السابعة من عمرها والثانية فى التاسعة، إضافة إلى جديهما، وذكرت تقارير صحفية أن قوات الأمن اعتقلت الشاب المصرى، وخلال تمثيله الجريمة انهال عليه أهالى القرية الغاضبون وأصابوه بإصابات بالغة، ونقل إلى أحد المستشفيات، لكن أهالى القرية هاجموه، وقتلوه ثم علقوه مشنوقاً.

وقال مصدر مطلع داخل جهاز الأمن الداخلى اللبنانى إن التحريات الأولية أكدت أن القتيل كان ينوى الزواج بإحدى فتيات العائلة التى قتل ٤ من أفرادها، وعندما رفض رب الأسرة قرر الشاب الانتقام، وبعد ٢٤ ساعة من ارتكابه الجريمة، ألقى القبض عليه واعترف بارتكابها، وأثناء اصطحابه لتمثيلها هاجم سكان القرية قوات الأمن وانهالوا على المتهم طعناً بالسكاكين،

ونقل إلى المستشفى ولم يكن فارق الحياة بعد، ثم هاجم الأهالى الغاضبون المستشفى وأجهزوا عليه بداخله، حتى فارق الحياة، وربطوه بالحبال وسحلوه بسيارة مملوكة لأحد أفراد الأسرة داخل طرقات البلدة، وبعد ذلك عُلق من رقبته على عمود كهرباء لمدة ساعة، وتدخلت قوات الجيش اللبنانى بعد اضطراب الأوضاع داخل القرية، وفشل الشرطة فى تخليص الجثة من الأهالى.

استنفار بـ"الخارجية"بعد التمثيل بجثة مصرى بلبنان::::

http://www.masrawy.com/moraselon/ArticlesDetails.aspx?AID=32207

1- اسلوب الانتقام الجماعي في غيبة سلطة الدولة مرفوض تماما
2 - التمثيل بجثة انسان بعد قتله جريمة لايقبلها اي شرع او دين
3- التسرع بالحكم في جريمة قتل قبل التحقق والادانة شيء غير مقبول ... دي ارواح ناس مش لعبة
4- اعتقد ان لو الجاني لبناني او سوري او تونسي او اي حاجة .... كان التصرف ح يكون مشابه تماما ..... انا شايف ان الموضوع مالوش علاقة ان ده مصري ..... هما تصرفو بهمجية وعصبية عمياء تجاه المتهم لبشاعة الجريمة المتهم بها ولكون القتلى الاربعة مسنين واطفال ولم تدفن جثثم بعد ( ده سبب لكن مش مبرر للي حصل )..... وكمان الشرطة في منتهى الغباء انهم يعيدو تمثيل الجريمة في التوقيت ده
...
التصرف يعكس همجية الناس اللي عملوا كده ..... وكمان عدم ثقتهم في القضاء والحكومة

أسمعوا الكلام المستفز:
السفير اللبناني - في برنامج 90 دقيقة على المحور - بيقول انه لا يجب التركيز على كون المقتول المسحول مصري أو غير مصري لأن هذا كان سيحدث بصرف النظر عن الجنسية

وأنا أسال سعادة السفير:
هل لو كان المتهم أمريكيا كنتم ستتركونه لهؤلاء الهمج .... لا تعليق ... أقسم بالله أنا مش لاقي كلام اقوله.

لا تعليق

أظنه يستحق القتل لكن ليس بهذه الصوره...

من قتل يقتل ولو بعد حين
بس المشكله الهمجيه ديه ولعلمكم لو حصل عندنا كده وجه وسط الاهالى مش هيلاقو منه شىء
بس كان فى قوه السلطه المتمثله فى الشرطه عندهم وانا مع رد العضو المحترم لاستاذ حماده يرجع لعدم ثقتهم فى السلطه ديه واستهتارهم ثانيا توقيت تمثيل الجريمه

و الله بجد أنا متنرفز جداااا
أول حاجه المتهم برئ حتى تثبت إدانته هو ده القانون
لو فرضنا إن هو قتلهم يبقى مش الأهالي اللي يقتلوه بالوحشية و الهمجيه و التمثيل بجثته كمان

و اي متخلف عقليا يقول يستاهل عشان قتل يبقى فعلا إنسان معندوش ذرة عقل أو ضمير
ربنا أعطى ولي الأمر حق تطبيق الحدود مش الناس تبقى غابه بقى
و القانون لازم ياخد مجراه
يا عالم ده لو واحد رايح المشنقه و إكتشفوا إن فيه حرز جديد في القضيه تعاد محاكمته تاني
ده لو لبناني في مصر قتل حد هيلمس ليه شعره

الناس اللي قتله دي ناس متخلفه دينيا و عقليا و حضاريا
هو جديد عليهم يعني ما قتلوا في الفلسطينيين قبل كده و في نفسهم في الحرب الأهليه
و كل من تلوثت أيديهم بدماء هذا الشاب المصري ربنا يرحمه و يصبر أهله لهم من الله ما يستحقون

أنا بس عايز اعلق و أقول فين أيام محمد علي فين أيام إبراهيم باشا لما كان الشام ده كله تبع مصر يا جماعه دولا بيسموا الفلوس مصاري عشان كنا بنحكمهم

حسبي الله و نعم الوكيل في كل من له سبب في رخص الإنسان المصري في كل مكان و حتى على ارض الوطن

و الله العظيم لو مصر سكتت على اللي حصل يبقى خلاص على الدنيا السلام
أول حاجه تحقيق شامل يثبت إذا كان المصري ده قام بالجريمه و لا لأ
تاني حاجه الحكومه البنانية تدفع ديته لأهله
ثالث حاجه كل اللي طلعوا معاه في الصور و هما بيموتوه يتحاكموا

فينك يا أبو الغيط يا بتاع هنكسر رجل اللي يعتب حدوننا
و لا هتروح لبنان و يوقلك
تقبرني ما كانو يقصدوا بدهم بس يضربوه راحوا موتوه و سحلوه و مثلوا بيه إيش فيها يعني

حسبي الله و نعم الوكيل

تقبرني ما كانو يقصدوا بدهم بس يضربوه راحوا موتوه و سحلوه و مثلوا بيه إيش فيها يعني

هوه ده اللى اتقال فعلا

شكرا لك

» ما بين 1033 مصري و 33 تشيلي
» طالب مصري يبتكر آلية تحافظ على الأرواح أثناء الحوادث
» اهتمام عالمي بخبير إنترنت مصري يبلغ من العمر 11 عاماً
» مفاجأة: لاعب دولي أرجنتيني وشقيقه هداف الدوري اليوناني من أصل مصري
» شرح اهم ضربات التنس بالصور